結果會考放榜, 只有十一分。原校中六無望, 我亦冇出國的打算, 最後要由西環轉戰東涌繼續學業。
但估唔到去到東涌會係我人生的一個轉捩點。喺嗰度我認識咗一班好好的朋友, 大家都係原校上唔到中六而過嚟讀, 惺惺相惜的。兩年的預科生活, 令我開始有自己的諗法, 開始有打算, 開始想追求 (以前我係個D無驚無險過一日就OK的個D人)。會想有機會的話出去睇下呢個世界, 體驗一D另外的生活。
最後A-Level 取得 1C2D2E 的成績, 有City U 的offer, 以一個CE 11分的人嚟講, 超額完成。
但City offer 的嗰科我唔係好想讀 (你可以話我有問題 =_="")。恰巧同年我爸爸驚我冇書讀, 同埋都係想我出去睇下,着我報咗 UCAS (英國大學的聯招, 有D似HK的 JUPAS, 喺英國上大學一定要經的system)。
結果我 meet 到Sheffield Hallam University 比我的 conditional offer 。
結果唔知點解 (可能為咗我有興趣的科目掛=_="), 咩都唔理, 毅然放棄 City 的 offer, 臨急臨忙去考IELTS, send 哂D cert 比SHU, 訂機票, 咁就過咗嚟。見到機票的個一刻, 覺得自己好似發咗場夢咁。唔止身邊的人, 連自己都覺得好突然。
宜家我已經喺Sheffiled 生活咗3個月, x'mas 的時候又返過HK, 雖然未叫做好體驗生活 (始終係嚟讀書唔係度假), 同埋D英文真係有待改善, 但畢竟我重有幾年時間!!!
Sheffield 呢個地方, 雖然係英國8大城市之一, 但個市中心真係好細, 我諗同銅鑼灣差唔多, 唔算好多shopping 的地方可以行。我諗佢的"大", 只係單純指面積, 因為sheffield 好似有好多冇發展的郊外地方。
Sheffield 曾經以鋼鐵聞名於世, 係首屈一指的鋼鐵城市, 全盛時人口膨脹, 戰後更建成了現時歐洲最大的歷史建築群, Park Hill, 一個大型的住宅屋院。 但經歷英國經濟大蕭條, 工業被商業取代, 此鋼鐵城市變得失去方向, 因為沒有工作而令人口極速減少, 做成現在喺市中心有唔少空置地方的現象。有空置的店舖, 甚至成座空置的大廈, 有好多都係日久失修。
不過其實呢個地方唔係真係成個鬼城咁既@_@。喺市中心(真係好中心的地方), 係一個集藝術, 購物, 運動同學術的地方。有行人轉用的購物街, 有市集；有好多 Theaters；有一個 Sport Center；Centrel Library,Sheffield Gallery Museum, 同我的大學 Sheffield Hallam University 都係喺市中心。當地政府亦有意將 Sheffield打造成藝術運動的城市。只係我覺得凡事都要D時間, 可能佢地係先整好市中心先卦.....
 |
| Sheffield 的火車站 |
 |
| Sheffield Winter Garden |
 |
| Sheffiled Peace Garden + Town Hall |
 |
| 其中一條行人購物街 |
 |
| Castle Market |
 |
| Ponds Forge International Sport Centre |
 |
| Park Hill |
 |
| 行上 Sheffield Hallam University (右手邊) 的路 |
 |
| 我間房望出去, 右邊嗰棟係空置 |
 |
| 空置 |
另外, Sheffield 有2所大學, Sheffield Hallam University 同埋較出名的 University of Sheffield。而喺呢度, 亦有唔少的華人 (唔知關唔關有2間大學事...)。所以喺條街上見到有中國人一D都唔出奇。不過亦因為咁, 雖然呢度冇正式的唐人街, 但都有不少的中式食店, 同埋有2間 (以我所知) 賣中式食品的超市 (應該都係HK人開的!)。
但唔好以為呢度鄉下地方D野會平。但例如出去食過飯閒閒地都要£6。聽當地人講, 呢度D野都唔係平, 當然比起London係平D啦...
呼~~~打咗好多...下次先再打啦....要執野準備聽日學校的 field trip!!!!! 去 Jurassic Coast, 5日呀!!!!!!
 | |||
| 為咗個trip買左個背囊, 因為我原來得加邊個個, 27 litres。新嗰個40 litres, £19.99, 價錢不錯了 :) |
 |
| 由中北部去到南部....但坐旅遊巴, 坐6 hrs :S |
沒有留言:
發佈留言